Celébrase o 28 de setembro. As persoas devotas chegaban pola noite, non había aloxamento, era tempo da vendima e a veciñanza da rúa dos Remedios preparaban viño, anunciado cos tradicionais loureiros ás portas das casas, como se adoitaba facer por estas terras. Os romeiros e as romeiras, tralo efecto do perfume e o sabor do viño que bebían para espabilar o sono, pasaban a noite alborotando, e armábase unha algueirada moi ruidosa, completada ás veces polo estrépito que causaban os toneis e barrís que a veciñanza tiña postos a secar ao sol nas portas das súas vivendas, para máis tarde gardar neles o viño. Os devanditos toneles e barrís botábanse a rodar pola pendente rúa abaixo. De aquí o nome «Alborotados».