Patrimonio Etnográfico
Mapa do patrimonio etnográfico de Betanzos, con oficios, tradicións e expresións da cultura popular
Muíños de Caraña
Zona de basta concentración de muíños na antigüidade. Hoxe podemos ver 19 antigos muíños de maquía para a moenda de gran (trigo, centeo e millo), en distintos estados de conservación; unha antiga curtiduría, onde se situaban os pelamios que dan nome ao río que facía funcionar todos estes enxeños hidráulicos; e varias fontes; ademais de numerosos saltos de auga moi pintorescos.
Antigo Matadoiro Municipal
Antigo matadoiro municipal de comezos do século XX, con arquitectura singular e decoración en ferro e azulexo.
Alfolí
Edificio medieval destinado ao almacenamento e pesado do sal, produto clave do comercio portuario de Betanzos.
Rúa Os Xudeus
Casas Populares Fonte de Unta, A Cañota e Rúa Quiroga
Barrio tradicional agrícola da Fonte de Unta, caracterizado por soportais e balcóns de madeira usados como hórreos urbanos.
Muíños da Acea e Roibeira
Muíños de Caraña
Fonte da Cangrexeira
Fonte citada en documentos de 1633, tamén coñecida como Fonte de San Gregorio, vinculada ao porto e ao barrio da Magdalena.
Fonte de Picachá
Fonte neoclásica de 1911, obra de Francisco Javier Martínez Santiso, decorada con semicolumnas, escudos e figuras mariñas.
Fonte dos Ánxeles
Fonte histórica documentada desde 1613 e reconstruída en 1834, con escudos da cidade e do arcedián Pedro de Ben.
Hórreo da Rúa Nova
Este hórreo urbano do século XVIII é de propiedade privada e lembra o antigo Orreum mencionado na carta fundacional de Betanzos de 1219.
Hórreos da Galera
Conxunto de cinco hórreos tipo Mariñán xunto ao río Mendo, lembranza do antigo espazo de secado do millo desde o século XVII.
Porto de Betanzos
O porto medieval de Betanzos non se conservou, pero mantéñense peiraos e zonas de paseo
Ruta de Pelamios
Ruta familiar xunto ao río Pelamios, de pouco máis de 1,5 km, sinxela e tranquila, ideal para gozar da natureza con nenos.