Igrexa e convento dominico iniciado no século XVI, con claustro histórico e torre desde a que se lanza o tradicional globo de San Roque.

Está situada na praza dos Irmáns García Naveira. Comeza a súa construción a mediados do século XVI, sobre unha antiga capela, cando chegan a Betanzos os dominicos. Durante os séculos XVII e XVIII continúan as obras. É un edificio de mampostería, agás a capela maior, que en parte é de pedra de cantería. Cóbrese con bóveda, igual que o presbiterio. Tres capelas flanquean a nave. Na fachada está a porta de acceso, que presenta un modesto pórtico renacentista, sobre o que se encontra unha fornela con Santo Domingo e unha fiestra. Destaca, porén, a torre construída no século XVIII, ao parecer por d Desta torre elévase o tradicional globo de San Roque, na noite do 16 de agosto. Convento de Santo Domingo. Os dominicos instálanse nesta cidade pola disposición testamentaria do presbítero Antonio González de Sosa, e pola doazón dunha familia nobre, establecen cátedras de diversas materias no recinto, que chega a albergar 16 frades. Nel destaca o claustro con grandes fiestras, os arcos das dependencias e a escalinata de acceso ás celas. Trala desamortización de 1835 pasa a ser de propiedade municipal e os dominicos son expulsados da vila. Actualmente alberga a Biblioteca Municipal e o Museo das Mariñas.